Selamat Nai Meno' blog e'.

Selamat pegita ka-ang ilu Oko, Amai, We', Seken, Sadin, anak ngan Toyang alai layan, oban sokat nai meno' blog e' liwai ji. Ading-ading ake' ti tega tawai oban oba' nai naat kise' dau senorat e' ngan pepo pekimet ngan ne' dalem blog e' ji. Blog e' ji un kado' naen bahagian keneng poyan udip de' lapa, naat ne dau kidi ngan bada' boka un dau tira' de' sala' neng idi ngan kua' kua' pilu peteneng udip tega ka-ang ilu serepe' apan. Nyiau udip alai layan apan boka le tai petego' ca liwai laa limun kanan.

Tega Tawai.

Amaitebun

Jumaat, Oktober 14, 2011

Ala' Masa Ngkin To'a Melancong

Dalau Agat ca' tega ke' ilu, tega ne ala' masa tai melancong terutama To'a le. Boka un sin keriut nekena ne booking tiket apan lega e un mora keriut. Ji se' gaban uban ketai me' panak ka' Langkawi bulan 8 tidai re.
 Taman Helang, Langkawi

Pantai Cenang, Langkawi